一開始好簡單，慢慢解鎖各種技能後會越嚟越複雜，但要訣祇有一個字——快，正所謂天下武功唯快不破，祇要一進入擒拿範圍就可以直接掀掣喐佢，甚至連隱身都唔需要，堅持到收工時間即可通關，需要小心嘅係防止做到半路畀警察捉到，因為射嘅時候係唔受控制，一見到警告就要停止。 遊戲目標係解鎖各種技能同設定，但解鎖技能則需要完成任務增加遊戲完成度，而達成某啲任務又需要相應技能，所以係一個循環進行嘅過程，好在SP增加得好快，就算半路失敗都有一千幾百，技術唔得可以次數搭救，但正如上面所講，解鎖嘅技能越多會變得越複雜，過關唔係問題，達成任務需要眼明手快，要記得邊啲做過邊啲冇做過，亂起上嚟都幾亂，當然你亦可以將技能OFF，但完成唔到相應任務，噉就冇意思啦。